Mihail Gorbachevtiń ekonomika boiynsha burynǵy kómekshisi Oleg Ojerelev Lenta.ru basylymymen suhbatta Keńes Odaǵy quldyraýynyń basty sebebi azyq-túlik máselesi ekenin aitty, - dep habarlaidy Tengrinews.kz.
Onyń sózinshe, búliktiń shyǵýy KSRO men sotsialistik júieniń quldyraýynyń bir ǵana qadamy bolǵan.
"Mundai úlken eldiń joiylýyn Gorbachevti bilikten ketirý úshin bolǵan úsh kúndik avantiýralyq áreketpen túsindirý durys emes jáne ǵylymi emes.
KSRO-nyń quldyraýynyń myń sebebin anyqtaýǵa bolady. Olardyń bastysy, Gorbachev azyq-túlik máselesin ýaqtyly sheshse, bizdiń qazirgi el, kem degende, múldem basqasha bolar edi. Bul odaqtas respýblikalarǵa da qatysty. KSRO da ydyramaýy múmkin edi.
Júzdegen myń adam nege Manej alańyna shyqty? Gorbachevtiń diktatorlyq qabiletiniń nemese demokratiianyń joǵynan emes, azyq-túlik tapshylyǵynan. Dúkender bos turdy, azyq-túlik joq", - deidi Ojerelev.
Gorbachevtiń burynǵy kómekshisi "Keńes Odaǵyn jerleýde aýyl sharýashylyǵy sheshýshi rol atqardy" dep sanaidy. "Sharýalardy óndiristiń naryqtyq túrine der kezinde tártippen ótkizý múmkindigin jiberip aldyq", - dedi ol.
Ekonomist 1991 jyly dúkenderde azyq-túlik bolsa, eshqandai "revoliýtsiia" bolmas edi, deidi.
Buǵan deiin Belarýs prezidenti Aleksandr Lýkashenko Boris Eltsin men Mihail Gorbachev KSRO-nyń kúireýine kináli dep málimdegen bolatyn.
