Sovet Odaǵy qulaǵannan keiin AQSh "tákapparlyqqa urynyp", "ózine senimdi bola bastady". SSSR basshysynyń qyzmetten ketýine 30 jyl tolýy qarsańynda reseilik aqparat quraldaryna suhbat bergen Mihail Gorbachev osylai málimdedi, dep habarlaidy Azattyq.
90 jastaǵy Gorbachevtiń pikirinshe, Batysta ásirese, AQSh-ta odaq taraǵannan keiin "triýmfatorlyq kóńil-kúi" ornaǵan. SSSR-diń burynǵy prezidenti 24 jeltoqsanda Reseidiń memlekettik RIA "Novosti" agenttigine bergen suhbatynda Kremldiń kelissóz kezinde pozitsiiasy álsiz boldy, sebebi Sovet Odaǵynyń qulaýyna 1991 jyly ekonomikalyq haos túrtki boldy dep atap ótti.
"Mundai jaǵdaida AQSh, Batys elderimen qalaisha teń qarym-qatynas ornatamyn dep úmittenýge bolady? Bul bir. Ekinshiden, Batystaǵy triýmfatorlyq kóńil-kúi. Bul ásirese, AQSh-ta baiqaldy. Olar tákapparlyqqa urynyp, ózine senimdi bola bastady" dedi Gorbachev suhbatta.
Gorbachev NATO men Ýkrainaǵa bailanysty daý ýshyqqan tusta AQSh-ty "jańa imperiia qurǵysy keledi" dep aiyptady. Alaida ol Máskeý men Vashington arasyndaǵy qaýipsizdik boiynsha aldaǵy kelissózdi jyly qarsy alyp, "nátijesi bolar dep úmittenemin" dedi.
Copyright (c) 2013. RFE/RL, Inc. Reprinted with the permission of Radio Free Europe/Radio Liberty, 1201 Connecticut Ave., N.W. Washington DC 20036.
