سوۆەت وداعى قۇلاعاننان كەيٸن اقش "تەكاپپارلىققا ۇرىنىپ", "ٶزٸنە سەنٸمدٸ بولا باستادى". سسسر باسشىسىنىڭ قىزمەتتەن كەتۋٸنە 30 جىل تولۋى قارساڭىندا رەسەيلٸك اقپارات قۇرالدارىنا سۇحبات بەرگەن ميحايل گورباچەۆ وسىلاي مەلٸمدەدٸ, دەپ حابارلايدى ازاتتىق.
90 جاستاعى گورباچەۆتٸڭ پٸكٸرٸنشە, باتىستا ەسٸرەسە, اقش-تا وداق تاراعاننان كەيٸن "تريۋمفاتورلىق كٶڭٸل-كٷي" ورناعان. سسسر-دٸڭ بۇرىنعى پرەزيدەنتٸ 24 جەلتوقساندا رەسەيدٸڭ مەملەكەتتٸك ريا "نوۆوستي" اگەنتتٸگٸنە بەرگەن سۇحباتىندا كرەملدٸڭ كەلٸسسٶز كەزٸندە پوزيتسيياسى ەلسٸز بولدى, سەبەبٸ سوۆەت وداعىنىڭ قۇلاۋىنا 1991 جىلى ەكونوميكالىق حاوس تٷرتكٸ بولدى دەپ اتاپ ٶتتٸ.
"مۇنداي جاعدايدا اقش, باتىس ەلدەرٸمەن قالايشا تەڭ قارىم-قاتىناس ورناتامىن دەپ ٷمٸتتەنۋگە بولادى? بۇل بٸر. ەكٸنشٸدەن, باتىستاعى تريۋمفاتورلىق كٶڭٸل-كٷي. بۇل ەسٸرەسە, اقش-تا بايقالدى. ولار تەكاپپارلىققا ۇرىنىپ, ٶزٸنە سەنٸمدٸ بولا باستادى" دەدٸ گورباچەۆ سۇحباتتا.
گورباچەۆ ناتو مەن ۋكرايناعا بايلانىستى داۋ ۋشىققان تۇستا اقش-تى "جاڭا يمپەرييا قۇرعىسى كەلەدٸ" دەپ ايىپتادى. الايدا ول مەسكەۋ مەن ۆاشينگتون اراسىنداعى قاۋٸپسٸزدٸك بويىنشا الداعى كەلٸسسٶزدٸ جىلى قارسى الىپ, "نەتيجەسٸ بولار دەپ ٷمٸتتەنەمٸن" دەدٸ.
Copyright (c) 2013. RFE/RL, Inc. Reprinted with the permission of Radio Free Europe/Radio Liberty, 1201 Connecticut Ave., N.W. Washington DC 20036.
