Áitkenmen kompaniia tegin qyzmetterdi paidalaný múmkindigin berýdi jalǵastyrady, dep habarlaidy Ulysmedia.kz.
Shottardy buǵattaý IT alybyna Resei aýmaǵynda óz fýnktsiialaryn oryndaýǵa endi múmkindik bermeidi. Sondai-aq reseilik keńse qyzmetkerleriniń jalaqysyn saqtaý da múmkin emes.
«Google Russia bank shotynyń buǵattalýy bizdiń reseilik keńseniń jumysyn, sonyń ishinde Reseide qyzmetkerlerdi ustaýdy jáne eńbek aqysyn tóleýdi, jetkizýshiler men merdigerlerge aqy tóleýdi jáne basqa da qarjylyq mindettemelerdi oryndaýǵa múmkindik bermeidi», - delingen kompaniianyń habarlamasynda.
Sonymen birge Google Reseidegi enshiles mekemesiniń óz bankrottyǵyn bastaý nietine qaramastan, Resei Federatsiiasynan kelgen paidalanýshylarǵa tegin qyzmetterdi paidalaný múmkindigin berýdi jalǵastyrady. Iaǵni «izdeý», YouTube, Gmail, «Kartalar» jáne Google Play qyzmetteri óshpeidi.
