Bastapqyda Google qonaqúilerdi brondaý fýnktsiiasyn alyp tastaǵan edi, endi mine áýebiletterin satyp alý servisin de alyp tastady, - dep habarlaidy kaz.tengritravel.kz portaly TourDom saityna silteme jasap.
Google baspasóz qyzmetiniń málimetinshe, aldaǵy 12 aida kompaniia Google Aviabiletteri (Flights) servisi úshin Google (Book on Google) arqyly brondaý júiesinen birtindep bas tartýdy josparlap otyr.
"Basynda biz osy fýnktsiiany usynǵan edik, onyń arqasynda biletterdi satyp alý jeńildei túsetin edi jáne ózimizdiń seriktes áýekompaniialarǵa kóbirek brondaý alýdy kózdedik. Alaida ýaqyt óte kele biz adamdardyń tikelei seriktes veb-saittar arqyly brondaýdy qalaitynyn ańǵardyq. Osy oraida biz qoldanýshylardyń qalaýyn eskerdik", - dep túsindirdi kompaniia ókilderi.
Google álide ushýdyń barlyq nusqalaryn kórsetedi. Siz tek qalany, áýejaidy jáne merzimin kórsetseńiz jetkilikti, soǵan bailanysty izdeý júiesi barlyq reisterdi shyǵarady. Bul úshin áýetasymaldaýshynyń saityna ótip, biletti tikelei alasyz.
Mamyrda qonaqúilerdi brondaýǵa negizdelgen Book on Google fýnktsiiasy jabylǵan edi: qazir Googlebarlyq qonaqúilerdi kórsetedi, alaida ony brondaý úshin sizdi sol mekemeniń saityna tikelei ótip ketesiz.
