Foto: Getty Images
Bul týraly South China Morning Post habarlady. Agenttik málimetine sáikes, qaza tapqandardy jerleý rásimin uiymdastyrýǵa memlekettik qoldaý kórsetiledi.
«Zardap shekkenderge 50 myń gonkong dollary (6,4 myń dollar) kóleminde járdemaqy tólenedi. Bul – buǵan deiin ýáde etilgen 10 myń gonkong dollaryna (1,3 myń dollar) qosymsha qarajat. Ár otbasyǵa áleýmettik qyzmetker bekitilip, turmystyq máselelerin sheshýge kómektesedi. Zardap shekkenderge ýaqytsha baspana tegin beriledi», - delingen habarlamada.
Buǵan deiin Gonkongtaǵy órtten 94 adam qaza taýyp, taǵy 279 turǵyn joǵalyp ketken dep habarlanǵan.
4600 adam turatyn segiz ǵimarattan turatyn keshende órt sársenbi kúni tutanǵan. Jóndeý júrip jatqan munaralardyń syrty bambýktan jasalǵan saty men jasyl torlarmen jabylǵan. Politsiianyń aitýynsha, dál osy materialdar jalynnyń óte jyldam taralýyna sebep bolǵan.
Tragediiaǵa bailanysty úsh adam ustaldy. Olardyń qai qurylys kompaniiasyna tiesili ekeni ázirge jariialanǵan joq.
Aita keteiik, órt sársenbi kúni Tai Po aýdanyndaǵy Wang Fuk Court atty segiz kópqabatty turǵyn úi kesheninde shyǵyp, jeti úidi jalyn sharpyǵan bolatyn.
