Gonkongte jeksenbi kúni turǵyn úilerdiń biri órtenip, jeti adam mert boldy, 17-si zardap shekti, dep habarlaidy "Ult aqparat".
South China Morning Post basylymynyń jazýynsha, barlyq zardap shekkender aýrýhanaǵa jatqyzyldy. Olardyń birqataryna reanimatsiialyq kómek qajet bolǵan.
Órt sóndirýshiler oqiǵa ornyna kelgennen keiin nebári jarty saǵat ishinde tilsiz jaýdy aýyzdyqtady.
«Sinhýa» agenttigi óz kezeginde órttiń eki saǵat ishinde tolyqtai sóndirilgendigin habarlady.
South China Morning Post gazeti munyń sońǵy 10 jyl ishinde Qytaidyń arnaiy ákimshilik aýmaǵynda bolǵan eń iri órt ekendigin atap ótti.
Politsiia órttiń shyǵý sebep-saldaryn anyqtaý jumystaryn júrgizip jatyr.
