Forbes nusqasy boiynsha, Saýl "Kanelo" Alvares tabysy eń kóp sportshylardyń arasynda 15-shi oryn aldy. Al otandasymyz Gennadii Golovkin tizimniń ekinshi jartysyna ornalasqan, dep habarlaidy sputnik agenttigi sports.kz portalyna silteme jasap.
"Kanelonyń" jyldyq jalaqysy 44,5 million dollardy quraidy, Forbes tiziminde meksikalyq boksshy 15-orynǵa jaiǵasqan. Qarymta jekpe-jekte Alvaresten jeńilgen Gennadii Golovkin álemdegi tabysy eń kóp 100 sportshynyń arasynda 72-orynda tur. Qazaqstandyq bylǵary qolǵap sheberi on eki aida 25 million dollar (qazirgi baǵammen shamamen — 9 milliard 100 million teńge: aiyna shamamen — 758,3 million teńge) tabys tapqan.
Bai sportshylar reitinginde amerikalyq boksshy kishi Floid Meivezer kósh bastaǵan. Onyń tabysy — 285 million dollar. Ekinshi orynda — "Barselona" shabýyldaýshysy Lionel Messi, onyń jalaqysy 111 million dollarǵa deiin barady. Al úshtikti "Iýventýs" forvardy Krishtianý Ronaldý tuiyqtady. Ronaldý aiyna 108 million dollar tabady.
Forbes boljamynsha, 2019 jyly Saýl Alvares Lionel Messi, Krishtianý Ronaldý, LeBrona Djeims pen Rodjer Federerdi basyp ozyp, tabysy eń kóp sportshylardyń kóshin bastamaq. Meksikalyq boksshynyń tabysy úsh esege artyp, 120 million dollardan asady dep boljanyp otyr.
