Búkilálemdik boks keńesiniń (WBC) prezidenti Maýrisio Sýleiman búgin, 10 sáýirde boks uiymdarynyń basshylarymen Golovkinniń titýldaryn qorǵaý jekpe-jegin talqylaidy, - dep habarlaidy Vesti.kz.
"WBC prezidenti Maýrisio Sýleimannyń aitýynsha, bedeldi boks uiymdary basshylarymen telefon arqyly baspasóz konferentsiiasyn ótkizedi, onda Golovkinniń kelesi jekpe-jekte kimmen shyǵatyny talqylanady", - dep jazady vRINGe.com.
Aita keteiik qazaqstandyq boksshy Gennadii Golovkin (37-0-1, 33 KO) - orta salmaqta WBA (Super), IBO, WBC jáne IBF tujyrymdary boiynsha álem chempiony.
Osyǵan deiin, Golovkin 5 mamyrda MGM Grand arenasynda meksikalyq Haime Mýngieimen (28-0, 24 KO) jekpe-jek ótkizýi múmkin ekeni aityldy. Sonymen qatar Golovkinniń komandasy irlandiialyq Geri O'Sallivannyń (27-2, 19 KO) kandidatýrasynda qarastyryp otyr.
4 sáýirge aýysqan túni meksikalyq boksshy Saýl "Kanelo" Alvarestiń (49-1-2, 34 KO) jekpe-jekterin uiymdastyratyn Golden Boy Promotions kompaniiasy arnaiy baspasóz jiynyn uiymdastyrdy. Onda "Kanelonyń" orta salmaqtaǵy WBA Super, WBC, IBF jáne IBO tujyrymdary boiynsha álem chempiony Gennadii Golovkinmen (37-0-1, 33 KO) 5 mamyr kúnine Las-Vegasta josparlanǵan ekinshi kezdesýdiń ótpeitini belgili boldy. Bul baspasóz jiynyn soń Golovkin de óz pikirin aityp, qandai jaǵdai bolmasyn 5 mamyrda sharshy alańǵa shyǵatynyn aitty.
Qazirgi ýaqytta otandasymyzben kezdesý ótkizýge birneshe boksshy daiyn ekenin aitty. Olardyń qatarynda amerikalyq boksshylar Djermall Charlo, Demetriýs Andrade, ýkrainalyq Sergei Derevianchenko, irlandiialyq Geri O'Sallivan, braziliialyq Iamagýchi Falkao, ekinshi orta salmaqtaǵy WBO chempiony Hilberto Ramires jáne kishi Hýlio Sezar Chaves bar.
Sondai-aq "Kanelo" jekpe-jekten bas tartqannan soń Sonders te Golovkindi jekpe-jekke shaqyrdy. Ol qazaqstandyq boksshyny barlyq belbeý úshin jekpe-jek ótkizýdi usyndy.
17 jáne 20 aqpan kúnderi Alvarestiń Meksikada tapsyrǵan doping-synamasynan klenbýterol dárýmeni tabyldy. Meksikalyq boksshynyń komandasy bul dárýmenniń buzylǵan et arqyly túskenin aityp aqtalǵan.
Naýryz aiynda Alvares jattyǵý lagerin San-Diegoǵa (AQSh, Kaliforniia shtaty) aýysytyp, taǵy úsh doping synaq tapsyrdy. Olardyń barlyǵy taza shyqty. Biraq Nevada shtatynyń Atletter komissiiasy (NSAC) ýaqytsha ony jekpe-jekterden shettetti. Alvarestiń isine bailanysty tyńdalyp endi 18 sáýir kúni ótedi. Eger boksshynyń kinási anyqtalsa, ol bir jylǵa deiin shettetilýi múmkin.
4 sáýirde Golden Boy promoýterlik kompaniiasynyń prezidenti Erik Gomes Alvares pen Golovkin arasyndaǵy ekinshi kezdesý báribir de 2018 jyly ótetinine úmitti ekenin aitty.
Aita keteiik, 5 mamyrǵa belgilengen Golovkin - Alvares arasyndaǵy revansh match Las-Vegasta T-Mobile arenasynda ótedi.
Eske salaiyq, Golovkin men Alvarestiń alǵashqy jekpe-jegi 2017 jyldyń 16 qyrkúieginde Las-Vegasta ótken bolatyn. 12 raýndqa sozylǵan jekpe-jek teń eseppen aiaqtalǵan edi. Biraq bul nátijege kóptegen boks jankúierleri men mamandary qarsy bolǵan edi.
