Meksikalyq boksshy Haime Mýngiia (39-0, 31 KO) orta salmaqta óner kórsetetin qazaqstandyq boksshy Gennadii Golovkin (42-1-1, 37 KO) úshin eń kóp tabys túsiretin boksshy bolady. Mundai pikirdi J Calderon Boxing Talk YouTube arnasynyń avtory aitty, dep jazady Vesti.kz saity.
Mamannyń aitýynsha, Mýngiia Golovkinniń kelesi qarsylasy bolýy múmkin degen boksshylardyń arasynda kósh bastap tur. Negizi otandasymyz kelesi kezdesýin Saýl "Kanelo" Alvareske (57-2-2, 39 KO) qarsy ótkizýi kerek bolatyn. Biraq meksikalyq sońǵy aiqasynda Dmitrii Bivoldan (20-0, 11 KO) utylyp, bul jospardyń astań-kesteńin shyǵardy. Endi "Kanelo" qyrkúiek aiynda reseilik boksshyǵa qarsy ekinshi jekpe-jek ótkizýge nietti.
"Endi qyrkúiek aiynda "Kanelomen" trilogiia uiymdastyrý múmkin emes. Sondyqtan dál qazir Golovkinge tek Mýngiia ǵana kóp aqsha alyp kele alady. Qarap turyńyzdar, Golovkinniń kelesi qarsylasy Mýngiia bolady. Bul kezdesý orta salmaqta ótip, WBA jáne IBF belbeýleri sarapqa salynady", - dedi J Calderon Boxing Talk arnasynyń avtory.
Aita keteiik, Golovkin men Mýngiia arasyndaǵy aiqas 2018 jyly ótedi degen áńgime bolǵan edi. Alaida ol kezde Nevadanyń Atletikalyq komissiiasy meksikalyq boksshyny Golovkin úshin tájiribesiz dep, jekpe-jekke ruqsat bermei qoidy.
