Orta salmaqta IBF jáne IBO tujyrymdary boiynsha álem chempiony qazaqstandyq Gennadii Golovkin (40-1-1, 35 KO) qazirgi boksshylar arasynda The Ring jýrnalynyń P4P reitinginde eń uzaq turaqtaǵan sportshy atandy, dep habarlaidy Sports.kz.
Úzdik boksshylardyń ondyǵyna Golovkin 249 apta buryn kirgen, al qazir jetinshi orynda. Úzdikter qatarynda júrgenderdiń taǵy biri - WBO chempiony amerikalyq Terens Kroýford (35-0, 26 KO), onyń osy tizimge qosylǵanyna 238 apta bolypty.
Myqtylar tiziminiń úshinshi ókili - jeńil salmaq sanatynda WBC, WBA (Super) jáne WBO chempiony Vasilii Lomachenko (14-1, 10 KO). Tizimge 180 apta buryn kirgen ýkrainalyq boksshy, qazir ekinshi orynda tur.
P4P reitinginde meksikalyq Saýl «Kanelo» Alvares (53-1-2, 36 KO) kósh bastap tur. Orta salmaqta WBC (Franchise) jáne WBA (Super), ekinshi orta salmaqta WBA (Regular) jáne jartylai aýyr salmaqta WBO chempiony tiziminde turǵanyna endi ǵana 61 apta boldy, óitkeni 2018 jylǵy doping daýynan keiin tizimnen shyǵyp qalǵan bolatyn.
