Orta salmaqtaǵy álem chempiony Gennadii Golovkin Saýl «Kanelo» Alvarestiń ekinshi orta salmaqtaǵy absoliýtti chempion bolý jolyndaǵy jeńister toptamasy ony esh áserde qaldyrmaǵanyn málimdedi, dep habarlaidy QazAqparat Sports.kz saityna silteme jasap.
Gennadii «Kanelonyń» osy diviziondaǵy oppozitsiiasy deńgeiine, sondai-aq promoýter Eddi Hrinniń onyń mansabyn ilgeriletý ádisine qatysty suraqtar týyndaǵanyn aitty.
Eske sala ketsek, Alvares barlyq titýldar úshin kúres jolyn 2020 jyldyń jeltoqsanynda áýeli WBA nusqasy boiynsha burynǵy chempion, Ulybritaniia boksshysy Kallým Smitti, odan keiin túrik sportshysy Avni Iyldyrym, taǵy bir britandyq sportshy Billi Djo Sanders jáne amerikandyq Kaleb Plantty jeńgen.
«Shynymdy aitsam, men boksshylardyń bul toptamasynan azdap sharshadym. Olar kóshirme siiaqty qurylǵan. Eddi Hirn sportshylarynyń árqaisysyn birinen soń birin tanystyrǵysy keletindei. Bul – bárimiz sharshap ketken roman siiaqty. Shyndyqqa týra qaraityn kez keldi. Osyny toqtatatyndai ar-uiat bolý kerek. Áldeqaida qyzyqty basqa da múmkindikter bar», - dedi ol Los Angeles Times-qa bergen suhbatynda.
