Qaraǵandy oblysynda Gennadii Golovkin atyndaǵy dene shynyqtyrý jáne saýyqtyrý kesheni ashyldy. Orta salmaqta WBA (Super), IBO, WBC jáne IBF tujyrymdary boiynsha álem chempiony qazaqstandyq boksshy Gennadii Golovkin (37-0, 33 KO) keshenniń ashylý saltanatyna qatysty, - dep habarlaidy "Ult aqparat" kaz.tengrinews.kz portalyna silteme jasap.
Saltanatty shara barysynda jas sportshylar ózderiniń birinshi jattyǵýyn keshenniń túrli zaldarynda ataqty sport sheberlerimen birge ótkizdi: Nikolai Tsoi, Nikolai Snegýrov, Elena Kotova, Dastan Aiapbek, Vasilii Chernikov.
Jańa dene shynyqtyrý-saýyqtyrý kesheni Maiqudyqtaǵy Belinskii kóshesiniń boiynda boi kóterdi. Nysannyń qurylysy 2014 jyly bastaldy. Ǵimarattyń jalpy aýdany - 2384,3 sharshy metr.
Sport kesheni úsh qabatty, ekinshi qabatta 100 kórermenge arnalǵan ámbebap minber salynǵan. Sonymen qatar, 4 jolaǵy bar bassein de salynǵan.
Úshinshi qabatta 15 adamǵa arnalǵan kiim aýystyrý bólmesi, dýsh, bapkerler bólmesi, bokspen shuǵyldaný zaly bar.
Osy sport kesheninde bokstan, oiyn túrlerinen, aýyr atletika jáne júzýden jattyǵýlar tegin júrgiziledi.
