Qazaqstandyq kásipqoi boksshy Gennadii Golovkin men tanymal fýtbolshy Krishtianý Ronaldý Italiianyń Týrin qalasynda kezdesti. Bul týraly eki sportshy ózderiniń Instagram paraqshasynda jariialady, dep habarlaidy "Ult aqparat".
«Búgin meniń dosym @cristiano-ny kórgenime óte qýanyshtymyn! @Daznglobal-men jańa joba ázirlep jatyrmyz, barlyǵyńyzǵa kórsetýge asyqpyn» dep jazdy GGG.
Al Krishtianý «Erekshe dosymmen @Daznglobal-da qyzyqty jańa jobada. Kezdeskenime qýanyshtymyn@gggboxing!» dep jazdy.
Aita keterligi, Ronaldý Golovkinge italiialyq «Iýventýs» klýbynyń 7 nómerdegi qoltańbasy qoiylǵan jeidesin syiǵa tartty, al Golovkin portýgaldyq fýtbolshyǵa qoltańbasy qoiylǵan boks qolǵabyn usyndy.
Eske salaiyq, Ronaldý 2016 jyly Golovkinnyń 34 jasqa tolǵan týǵan kúnine Madrittik «Realdyń» jeidesin syilaǵan bolatyn.
