WBA Super, WBC, IBF jáne IBO nusqasy boiynsha orta salmaqtaǵy álem chempiony, qazaqstandyq Gennadii Golovkin men WBO nusqasy boiynsha álem chempiony, 69.9 keli salmaq dárejesindegi meksikalyq Saýl «Kanelo» Alvarestiń aiqasy 16 qyrkúiek kúni ótedi, dep habarlaidy QazAqparat.
Bul týraly "Kanelo" kishi Hýlio Sezar Chavesti jeńgennen keiin, Golovkindi ringke shaqyryp, ekeýiniń jekpe-jegi qyrkúiekte ótetini týraly málim etti.
«Bul joly basqa oqiǵa bolady. Qyrkúiekte Big Drama Show bolady. Búgingidei uly aiqas bolǵaly tur. Saýldi búgingi jeńisimen quttyqtaimyn. Ol meniń mansabymdaǵy eń úzdik qarsylasym bolady. Qyrkúiekti kútińizder. "Kaneloǵa" ne deimin? Qyrkúiekte kezdeskenshe!» - dedi Golovkin ringte kommentator jáne HBO júrgizýshisi Maks Kellermannyń suraǵyna jaýap bere otyryp.
Aita keteiik, 26 jastaǵy "Kanelo" kásipqoi ringte 49 ret jeńiske jetip, 1 ret jeńilgen jáne 1 ret teń nátije kórsetken. Al, 37 jastaǵy Golovkin kásipqoi boksta 37 ret judyryqtasyp, eshqashan jeńilip kórmegen boksshy.
