Búkilálemdik boks keńesiniń (WBC) prezidenti Maýrisio Sýleiman 5 mamyr kúnine josparlanǵan orta salmaqtaǵy WBA (Super), IBO, WBC jáne IBF tujyrymdary boiynsha álem chempiony qazaqstandyq Gennadii Golovkin (37-0-1, 33 KO) men meksikalyq Saýl "Kanelo" Alvares (49-1-2, 34 KO) arasyndaǵy ekinshi kezdesý ótpeitinin habarlady, - dep habarlaidy vRINGe.com portaly.
"Meniń oiym: jekpe-jek (Golovkin-Kanelo) ótpeidi. Nevadada tyńdalym (Alvarestiń isine qatysty) 18 sáýirge aýystyryldy. Endi jekpe-jektiń 5 mamyrda qalai ótetinin elestete de almaimyn", - dep keltiredi Sýleimannyń sózin ESPN Deportes portaly.
Eske salaiyq, 27 naýryzda Nevada shtatanyń Atletter komissiiasy Alvaresti eki doping synamanyń (17 jáne 20-aqpan) klenbýterol dárýmenine oń nátijesin bergeni úshin ýaqytsha jekpe-jekterden shettetti. Meksikalyq boksshynyń isine bailanysty núkte 10 sáýir kúni shyǵýy kerek edi. Alaida is 18 sáýirge aýystyryldy.
Golovkinniń promoýteri qazaqstandyq boksshynyń Alvarestiń isi qalai aiaqtalysyna qaramastan 5 mamyr kúni sharshy alańǵa shyǵýǵa daiyndalyp jatqanyn habarlady. Olardyń ekinshi kezdesýi de Las-Vegastaǵy T-Mobile sport kesheninde ótedi dep josparlanǵan.
28 naýryzda ESPN arnasynyń sarapshysy jáne Amerikadaǵy tanymal boks sholýshysy Den Rafael Golovkin men Alvares arasyndaǵy jekpe-jek kúni (5 mamyr) ózgerýi múmkin degen boljam jasaǵan.
29 naýryzda qazaqstandyq jáne meksikalyq boksshy arasyndaǵy qarymta jekpe-jekti uiymdastyrýshylar jarnamalyq naýqandy toqtatqany habarlandy. Los Angeles Times basylymynyń jazýynsha, Golden Boy Promotions jekpe-jekke qatysty barlyq sharalardy toqtatty, HBO arnasy da jarnamalaýdy ýaqytsha úzdi, al MGM Resorts bilet qunyn qaitarýǵa daiyn ekenderin jetkizdi.
