Foto: gggboxing.com
Orta salmaqtaǵy burynǵy álem chempiony, áigili boksshy Gennadii Golovkin kásibi mansabyndaǵy sońǵy jekpe-jegin Qazaqstanda ótkizýdi qarastyryp júrgenin málimdedi, dep habarlaidy Ult.kz 1bol.kz portalyna silteme jasap.
GGG 2022 jyldyń qyrkúieginde Las-Vegasta Saýl «Kanelo» Alvarespen ótken jekpe-jekte jeńilgennen keiin ringke shyqqan joq. Degenmen, ol mansabyn resmi túrde aiaqtaitynyn da jariialamaǵan edi.
2024 jyldyń 26 aqpanynda Golovkin Qazaqstan Ulttyq Olimpiadalyq komitetiniń prezidenti bolyp sailandy. Al qyrkúiekte World Boxing uiymynyń Olimpiadalyq komissiiasyn basqarýǵa kirisip, sporttyń Olimpiada baǵdarlamasynda saqtalýyna zor úles qosty.
Qazir 43 jastaǵy Golovkin sporttyq basqarý salasynda eńbek etip júr. Asia Boxing prezidenti Pichai Chýnhavadjiramen kezdesý kezinde ol ringke qaita oralý múmkindigin joqqa shyǵarmaitynyn aitty.
«Men úshin boks — ómir. Áli de baptan shyqqan joqpyn. Múmkin, sońǵy bir jekpe-jegimdi Qazaqstanda ótkizermin», – dedi Golovkin.
