Orta salmaqtaǵy qazaqstandyq boksshy Gennadii Golovkinniń jattyqtyrýshysy Abel Sanches Dúniejúzilik boks keńesi men ózge uiymdar burynǵy chempionǵa óz talaptaryn qoia almaityndyǵy týraly aitty, dep jazady Sports.kz.
Buǵan deiin WBC Golovkinge álemniń «ýaqytsha» chempiony Djermall Charlomen jekpe-jekti sanktsiialaǵan bolatyn. Bul aiqastyń jeńimpazy Saýl «Kanelo» Alvarestiń tolyqqandy chempiondyq beldigine mindetti úmitker bolýy tiis edi.
«Biz Gennadiidiń múddesi úshin ne mańyzdy ekenin eskerip otyrmyz. Golovkinniń kimmen judyryqtasatynyn eshkim, eshqandai uiym anyqtamaidy. Ol baǵytyn tańdaǵan kezde, kimmen bokstasatynyn ózi sheshetin bolady. GGG sheshim qabyldap, baspasóz paraqshasyn shyǵarǵan kezde ǵana keńes quramyz», - dedi Sanches Worldboxingnews.net-ke bergen suhbatynda.
Eske sala keteiik, qazirgi kezde Golovkin áleýetti teleseriktesterimen sońǵy kelissózderin júrgizý ústinde. GGG-diń ringke sáýir nemese mamyr ailarynda oralatyny kútilip otyr, onyń qarsylasy kim bolatyny ázirge belgisiz.
