Orta salmaqta WBA (Super), IBO, WBC jáne IBF tujyrymdary boiynsha álem chempiony qazaqstandyq Gennadii Golovkin amerikalyq boksshy Vanes Martirosiannyń judyryqtasýyna rizalyǵyn bildirdi. Bul týraly boksshynyń promoýteri Tom Leffler aityp berdi.
"Áli eshteńege qol qoiylǵan joq ("Kanelomen" qarymta boiynsha), qalai bolatynyn kóre jatarmyz. Gennadii nokaýttar legin jalǵastyrdy. Qatarynan 23 nokaýty tirkeldi. Golovkin Vanestiń eki raýndta "Kanelonyń" 12 raýndynan artyq judyryqtasqanyn aitty. Jekpe-jekke kelý men tabys boiynsha StubHub rekordyna jettik", - deidi Leffler Villainfy Media arnasyna bergen suhbatynda.
Munyń aldynda Martirosian aldyndaǵylardyń ("Kanelo" jáne Djeikobs) ózine qaraǵanda jeńiske umtylmai, aman qalýdy ǵana oilaǵandyqtan tolyq 12 raýnd judyryqtasqanyn aitqan edi.
Qazaqstandyq amerikalyq boksshyny ekinshi raýndta nokaýtqa túsirgen edi. Eske salaiyq, Vanes 5 mamyrda Las-Vegasta Golovkinmen qarymta kezdesý ótkizýi tiis bolǵan "Kanelonyń" ornyna judyryqtasty. Biraq meksikalyq doping-testten óte almady da, bokstan shettetildi.
