Orta salmaqtaǵy WBA jáne IBF tujyrymdary boiynsha álem chempiony qazaqstandyq Gennadii Golovkin meksikalyq Saýl Kanelo Alvarestiń boks júldelerin zańsyz preparattardy qoldanbai jeńip alǵanyna kúmándanady, - dep habarlaidy Tengrinews.kz tilshisi Vesti.kz saityna silteme jasap.
Qos boksshynyń trilogiiasy 17 qyrkúiekte Las-Vegasta ótedi. Olar 2017 jáne 2018 jyldary kezdesken edi. Birinshi jekpe-jekte olar tepe-teń túsip, ekinshi jekpe-jekte Alvares jeńiske jetti.
"Men kez kelgen sportshynyń jetistikterin joqqa shyǵaratyn adam emespin, Kanelo da kóp nársege qol jetkizgen. Biraq ol muny qalai jasaǵany jáne ol úshin ne qoldanǵany týraly suraqtar týady.
Men bir nárse aitarda oidan shyǵarǵandyqtan aitpaimyn. Zerthanadan alynǵan nátijeler bar. Dáriger sýdy zertteý nátijeleri bar ekenin aitty. Menen suraǵanda "Iá, ol qýlyqqa bardy degenge senemin" dep jaýap berdim. Eger olardyń komandasyndaǵy bireýge meniń sózim unamasa, bul olardyń problemasy", - dep keltiredi Fightnews.info Golovkinniń sózin.
Eske salaiyq, Kanelo Golovkinmen ekinshi jekpe-jegi aldynda dopingpen ustalǵan bolatyn. Onyń doping synamasynan az mólsherde klenbýterol tabylǵan. Osydan keiin boksshy alty aiǵa diskvalifikatsiialandy.
