Boxing.pl jýrnalisi Konrad Býdynek qazaqstandyq boksshy Gennadii Golovkinniń (41-1-1, 36 KO) aldaǵy josparlaryna qatysty pikir bildirdi, dep habarlaidy "Ult aqparat" Sports.kz saityna silteme jasap.
Sarapshynyń paiymdaýynsha, 38 jastaǵy qazaqstandyq boksshynyń basqa qoljetimdi nusqalarynyń bar bolǵanyna qaramastan, basty maqsaty Saýl «Kanelo» Alvarespen (54-1-2, 36 KO) úshinshi ret jekpe-jek ótkizý bolyp otyr.
«Promoýterler Golovkinge áýeli Mýratamen, sosyn Andrademen judyryqtasýǵa ruqsat beretin edi, biraq olar sońǵy sátke deiin onyń «Kanelomen» trilogiiasyna úmitti», - degen senimde Býdynek.
Buǵan deiin Golovkinniń promoýteri Eddi Hirn onyń Riota Mýratamen (16-2, 13 KO) jekpe-jeginiń jeltoqsan aiynda ótýi múmkin ekenin aitqan bolatyn. Demetriýs Andradege (29-0, 18 KO) keletin bolsaq, ázirge GGG komandasy bul jekpe-jekke asa úlken qyzyǵýshylyq tanytpai otyr.
