Orta salmaqtaǵy birneshe tujyrym boiynsha álem chempiony Gennadii Golovkin óziniń karerasynda qalyptasqan jaǵdai men IBF titýlynan aiyrylý múmkindigi jaily áńgimeledi, dep jazady sputniknews.kz Sports.kz agenttigine silteme jasap.
— Siz úshin belbeý óte mańyzdy ekenin bilemin. Eger IBF talap etken Derevianchenkoǵa qarsy jekpe-jekti ótkizbeseńiz, olar belbeýińizdi tartyp alady dep qoryqpaisyz ba?
— Barlyq belbeýdi biriktirý negizgi maqsattarymnyń biri ekenin bilesizder, alaida dál qazirgi sátte, ózderińiz kórip otyrǵandai, qiyndyqtar týyndap jatyr. Árine bul múmkin emes dep aitýǵa kelmes, alaida meniń jaǵdaiymda ony jasaý óte qiyn. Sondyqtan belbeýdi tartyp alatyn bolsa nemese baqylaýshy uiymdar tarapynan qysym kóretin bolsaq, onda biz ózimizge yńǵaily nusqany tańdaimyz.
Aita keteiik, buǵan deiin Golovkin orta salmaqtaǵy álem chempionynyń barlyq negizgi titýlyn ielený óz karerasyndaǵy negizgi maqsattardyń biri sanalatynyn birneshe ret atap ótken bolatyn. Qazir boksshyǵa britaniialyq Billi Djo Sonderstegi WBO belbeýi ǵana jetpei tur.
