Qazaqstandyq boksshy Gennadii Golovkin meksikalyq Saýl Alvarespen ótetin qarymta kezdesýiniń aldynda málimdeme jasady, dep habarlaidy Sports.kz.
«Alǵashqy jekpe-jek kezinde jáne odan keiin ózderiniń naǵyz bet-beinelerin ashqan adamdar qanshama. Bir emes, birneshe adamdy meńzep otyrmyn. Men ózimniń jáne «Kanelonyń» kim ekenin, onyń qazirgi deńgeiin jaqsy bilemin. Rematchtaǵy qarsylasymnyń osal emes ekeni de belgili. Alaida endi alǵashqy jekpe-jekti oilamaimyn. Birinshi kezdesýde jeńiske jetip, ringten barlyq chempiondyq beldikterimmen qaittym. Bul jaqsy aiqas boldy, alaida dál qazirgi jaǵdai bólek. Men alǵashqy kezdesýden keiin rematchqa, «Kaneloǵa» jáne onyń promoýterine degen qarym-qatynasymdy aiqyndap aldym. Kelesi kezdesýde jańa tóreshiler men referi otyrady, sondyqtan álem múlde basqa jekpe-jekti tamashalaityn bolady. Abelmen [Sanches] lagerde jańa qimyldardy pysyqtadyq. Dál qazir ózimdi baqytty ári myqty sezinemin. Jankúierlerime meksikalyq stildegi oiyn kórsetkim keledi. Bul joly chempiondyq titýldarym úshin burynǵydan da jaqsy aiqasatyn bolamyn», - dep málim etti Gennadii Golovkin Boxingtalk.com saityna bergen suhbatynda.
Golovkin men «Kanelonyń» birinshi aiqasy 2017 jyly 16 qyrkúiekte Las-Vegasta ótip, daýly teń nátijemen aiaqtaldy. Rematch 15 qyrkúiekte sol jerde ótedi.
