Astanadaǵy «Arbatta» qazaqstandyq boksshy Gennadii Golovkin men meksikalyq Saýl Alvarestiń rematchy tikelei efirden kórsetiledi, dep habarlaidy "Ult aqparat".
«Gena, alǵa! Go GGG! Mundai urandar 16 qyrkúiek kúni tańerteń Qazaqstan jáne odan tys aimaqtarda aitylatyn bolady!!! Las-Vegas kimdi qonaq etkenin biletin bolýy tiis dep oilaimyn. WBC, WBA (super) jáne IBO nusqalary boiynsha orta salmaqtaǵy álem chempiony jáne Qazaqstannyń maqtan tutar azamaty Gena GGG meksikalyq Saýl Alvarespen ekinshi jekpe-jegin ótkizedi. Bul kezdesýdi Arbatta tikelei kórsetetin bolamyz. Aiqasty úlken ekrannan tamashalaý úshin Arbattyń jazǵy kinoteatrynda tańsáriden bastap yńǵaily oryndardy ala berseńizder bolady. Kúzdiń bul kúni ystyq bolatyny kúmánsiz», - dep jazdy Feisbýktegi jeke paraqshasynda Astana qalasy Saryarqa aýdanynyń ákimi Arman Turlybek.
Qazaqstanda Golovkin - Alvares II boks shoýy 16 qyrkúiek kúni tańǵy saǵat 6-da bastalady. Ony «Qazaqstan» jáne «Qazsport» telearnalary tikelei efirden kórsetedi.
Sondai-aq buǵan deiin habarlaǵanymyzdai, Qaraǵandy qalasynyń biligi de qos boksshynyń revanshyn qala kóshelerindegi LED-ekrandardan kórsetýdi josparlap otyr.
