Qazaqstandyq boksshy Gennadii Golovkin (41-1-1, 36 KO) WBO titýlynyń iegeri Demetriýs Andrademen (30-0, 18 KO) jekpe-jekke shyǵýdan bas tartty, dep habarlaidy Sports.kz saity.
The Athletic insaideri Lens Pagmairdyń málimetine sensek, orta salmaqtaǵy IBF/IBO álem chempiony Gennadii Golovkin atalmysh aiqasqa qyzyǵýshylyq tanytyp otyrǵan joq. Bul jaiynda Pagmairǵa DAZN striming servisindegi aqparat kózi habarlaǵan.
«Maǵan Golovkinniń 31 jeltoqsan kúni Japoniiada Rioto Mýratamen ótedi dep josparlanǵan jekpe-jekke deiin Demetriýs Andrademen judyryqtaspaityny jaily habar keldi» dep jazdy ol Twitter paraqshasynda.
Osyǵan deiin dál osy aqparat kózi Gennadii Golovkinniń qyrkúiekte Saýl Alvarespen úshinshi márte kezdesýge kelisim bergenin málim etken edi. Alaida bul usynystyń qanshalyqty naqty ekeni beimálim.
Aita keteiik, insaiderlik aqparatqa Demetriýs Andrade jaýap qatyp, narazylyǵyn bildirip úlgerdi.
«Árine, GGG menimen jekpe-jekke shyqpaidy. DAZN, ony búkil titýlyn biriktirýge kóndirińder» dep jazdy Andrade Twitter paraqshasynda.
