Halyqaralyq boks federatsiiasynyń (IBO) prezidenti Ed Livain meksikalyq Saýl Alvarestiń Gennadii Golovkinmen bolǵan jekpe-jekte jeńimpaz atanǵanyna qaramastan IBO nusqasy boiynsha álem chempiony beldigin ala almaityndyǵyn málimdedi.
Onyń aitýynsha, Gennadii Golovkin bos turǵan beldik úshin saiysqa shyǵýy ábden múmkin, dep habarlaidy "Ult aqparat" Sports.kz-ke silteme jasap.
Osyǵan deiin buqaralyq aqparat quraldarynda senbi kúni Las-Vegasta orta salmaqta WBA (Super), WBC pen IBO beldikteri úshin jekpe-jekte jeńiske jetken Alvarestiń chempion ataǵyn ala almaityndyǵy týraly aqparat taraǵan bolatyn.
«Alvares rasynda da IBO nusqasy boiynsha ataqty ala almaidy. Biz onymen sanktsiialyq kelisimge kele almadyq. Endi bos turǵan ataq odan úmitker eki sportshy arasynda sarapqa salynady. Úmmitkerlerdiń biri Golovkin jáne ol osy diviziondaǵy reitingte birinshi bolady», - dedi Livain.
