Jergilikti biýdjetterge túsetin túsimderdi boljaý júiesin jetildirý qajet. Bul týraly QR Parlamenti palatalarynyń birlesken otyrysynda Respýblikalyq biýdjettiń atqarylýyn baqylaý jónindegi esep komitetiniń tóraiymy Natalia Godýnova aitty, dep habarlaidy QazAqparat.
«Óńirlik saiasattyń mańyzdy bóligi - sýbventsiialardy bólý jáne alyp qoiýdy belgileý. Aýdittiń pikirinshe, ádisnamanyń ózin jetildirý kerek. Sebebi jalpy sipattaǵy transfertterdiń maqsaty – biýdjetti teńestirý de durys aiqyndalmaǵan. Múmkin, biýdjetaralyq aýdarymdardyń maqsaty ártúrli óńirlerdegi adamdardyń ómir súrý jaǵdailaryn teńestirý bolýy kerek shyǵar. Sondai-aq jergilikti biýdjetterge túsetin túsimderdi boljaý júiesin jetildirý qajet», - dedi ol.
Komitet tóraiymy shyǵyndardy áleýmettik jáne injenerlik infraqurylymnyń naqty jaǵdaiyn eskere otyryp, óńirlerdiń naqty qajettilikterine súiene otyryp aiqyndaý kerektigin basa aitty.
«Salyq áleýetin damytýda yntalandyrý bolýy tiis. Sosyn respýblikalyq jáne jergilikti biýdjetter arasynda biýdjet qarajatynyń qarsy aǵynyn qysqartý qajet. Másele óte mańyzdy ári kúrdeli. Memleket basshysynyń tapsyrmasy boiynsha bul másele Reformalar jónindegi joǵary keńestiń qaraýyna engiziletin bolady», - dedi Natalia Godýnova.
