Ǵizat Nurdáýletov Qazaqstan Respýblikasy Prezidentiniń kómekshisi – Qaýipsizdik keńesiniń hatshysy laýazymyna taǵaiyndaldy, - dep habarlaidy "Ult aqparat" Aqorda saityna silteme jasap.
"Ǵizat Dáýrenbekuly Nurdáýletov Qazaqstan Respýblikasy Prezidentiniń kómekshisi - Qaýipsizdik keńesiniń hatshysy laýazymyna taǵaiyndalsyn, ol Qazaqstan Respýblikasynyń Bas prokýrory laýazymynan bosatylsyn", - delingen jarlyqta.
Ǵizat Dáýrenbekuly eńbek jolyn Almaty oblysy Jambyl aýdany prokýratýrasynda tergeýshi bolyp bastaǵan. Memlekettik tergeý komitetinde 1996 - 1997 jyldary qyzmet atqarǵan.
1997 jyldan bastap ulttyq qaýipsizdik organdarynda eńbek etken. Sonymen qatar departament bastyǵynyń orynbasary, Almaty qalasy jáne Almaty oblysy boiynsha departament bastyǵy, Tergeý departamenti bastyǵy laýazymynda boldy.
2016 jyldyń qarasha aiynan bastap Ońtústik Qazaqstan oblysy boiynsha UQK departamentin basqardy.
2017 jyly shilde aiynan bastap QR Bas prokýrorynyń birinshi orynbasary qyzmetin atqardy.
2019 jyldyń 18 naýryzynda QR Bas prokýrory laýazymyna taǵaiyndaldy.
II dárejeli «Aibyn» ordenimen marapattalǵan.
