عيزات نۇردەۋلەتوۆ قازاقستان رەسپۋبليكاسى پرەزيدەنتٸنٸڭ كٶمەكشٸسٸ – قاۋٸپسٸزدٸك كەڭەسٸنٸڭ حاتشىسى لاۋازىمىنا تاعايىندالدى, - دەپ حابارلايدى "ۇلت اقپارات" اقوردا سايتىنا سٸلتەمە جاساپ.
"عيزات دەۋرەنبەكۇلى نۇردەۋلەتوۆ قازاقستان رەسپۋبليكاسى پرەزيدەنتٸنٸڭ كٶمەكشٸسٸ - قاۋٸپسٸزدٸك كەڭەسٸنٸڭ حاتشىسى لاۋازىمىنا تاعايىندالسىن, ول قازاقستان رەسپۋبليكاسىنىڭ باس پروكۋرورى لاۋازىمىنان بوساتىلسىن", - دەلٸنگەن جارلىقتا.
عيزات دەۋرەنبەكۇلى ەڭبەك جولىن الماتى وبلىسى جامبىل اۋدانى پروكۋراتۋراسىندا تەرگەۋشٸ بولىپ باستاعان. مەملەكەتتٸك تەرگەۋ كوميتەتٸندە 1996 - 1997 جىلدارى قىزمەت اتقارعان.
1997 جىلدان باستاپ ۇلتتىق قاۋٸپسٸزدٸك ورگاندارىندا ەڭبەك ەتكەن. سونىمەن قاتار دەپارتامەنت باستىعىنىڭ ورىنباسارى, الماتى قالاسى جەنە الماتى وبلىسى بويىنشا دەپارتامەنت باستىعى, تەرگەۋ دەپارتامەنتٸ باستىعى لاۋازىمىندا بولدى.
2016 جىلدىڭ قاراشا ايىنان باستاپ وڭتٷستٸك قازاقستان وبلىسى بويىنشا ۇقك دەپارتامەنتٸن باسقاردى.
2017 جىلى شٸلدە ايىنان باستاپ قر باس پروكۋرورىنىڭ بٸرٸنشٸ ورىنباسارى قىزمەتٸن اتقاردى.
2019 جىلدىڭ 18 ناۋرىزىندا قر باس پروكۋرورى لاۋازىمىنا تاعايىندالدى.
II دەرەجەلٸ «ايبىن» وردەنٸمەن ماراپاتتالعان.
