Densaýlyq saqtaý ministri Ajar Ǵiniiat biologiialyq zerthana mamandarynyń jalaqysy eki esege kóteriletinin málimdedi, dep habarlaidy Sputnik Qazaqstan.
Ministrdiń aitýynsha, búginde biologiialyq agenttermen, iaǵni mikroaǵzalarmen jumys isteitin zerthana mamandary 80-100 teńge alady. Senatta qaralǵan zań jobasy aiasynda olardyń jalaqysyn eki esege kóterý josparlanǵan.
"Zań boiynsha biologiialyq qaterli agenttermen jumys isteitin beiindi mamandardyń eńbekaqysy eki ese artady. Sonymen qatar olardyń qaterli agenttermen kúnde jumys isteýine bailanysty saýyqtyrý sharalaryna kóńil bólinedi. Osynyń bári zańda qarastyrylǵan", - dedi Ǵiniiat Cenat otyrysynan keiingi brifingte.
Aita keteri, búgin senatta biologiialyq qaýipsizdik týraly zań jobasy qaralǵan. Depýtattar ony biraýyzdan qabyldady.
Zań boiynsha biologiialyq qaýipsizdik sharalaryna 25,5 milliard teńge bólinedi. Bul qarajat zerthanalar salý, jaǵdaiyn jaqsartý, mikroaǵzalardy ustaý, diagnostika jasaý, vaktsina daiyndaý jáne taǵy basqa sharalarǵa jumsalady.
