Nur-Sultan jáne Almatyda ǵimarattardy stýdenttik jataqhanaǵa rekonstrýktsiialaý boiynsha memlekettik tapsyrys normativi ulǵaitylmaq. Bul jaiynda Májilis depýtattarynyń saýalyna QR Premer-Ministriniń orynbasary Eraly Toǵjanovtyń jaýabynda aitylǵan, dep habarlaidy QazAqparat.
«Memlekettik-jekeshelik áriptestik aiasynda jataqhana qurylysy baǵytynyń biznes úshin tartymdylyǵyn arttyrý is-sharalary qabyldanýda. Atap aitqanda, investorlardyń shyǵystaryn ońtailandyrýǵa jaǵdai jasaý maqsatynda jobalaý-smetalyq qujattama banki quryldy (www.studdom.kz - saitynda ornalastyrylǵan), onyń ishinde 3 tiptik jataqhana jobasy ázirlegen. Sondai-aq sátti iske asyrylǵan jeke jobalar týraly tolyq derekter bar», - delingen Eraly Toǵjanovtyń jaýabynda.
Vitse-premer 500 oryndyq stýdenttik jataqhananyń jobalaý-smetalyq qujattamasy ázirlengenin de atap ótedi.
«Jeke investorlardy qoldaý jáne yntalandyrý maqsatynda investorlar úshin Almaty qalasynda jataqhanalar salýǵa memlekettik tapsyrys normativi bir oryn úshin 122-den 144 ailyq eseptik kórsetkishke deiin ulǵaityldy. Qazirgi ýaqytta Nur-Sultan jáne Almaty qalalarynda ǵimarattardy stýdenttik jataqhanaǵa rekonstrýktsiialaý boiynsha memlekettik tapsyrys normativin bir oryn úshin 47-den 92 AEK-ke deiin ulǵaitý máselesi pysyqtalýda. Bul bastama respýblikalyq biýdjet komissiiasynyń otyrysynda qoldaý tapty. Bul is-sharalar jataqhanalar qurylysyna investorlardyń jańa pýlyn tartýǵa múmkindik beredi», - dedi Úkimet basshysynyń orynbasary.
