Qazaqstan halqy Assambleiasy tóraǵasynyń orynbasary Janseiit Túimebaev nemistiń uly aqyny Gioteniń týǵanyna 270 jyl tolýyna arnalǵan «Adamzattyń alyp aqyny» atty poetikalyq keshke qatysty, dep habarlaidy "Ult aqparat".
Is-shara aiasynda nemis halqynyń uly aqyny I.V. Gioteniń «Batys-shyǵys jinaǵy» atty nemis jáne qazaq tilderindegi (qazaqshaǵa aýdarǵan Tóregeldi Tuiaqbai) kitabynyń tusaýkeseri ótip, «Gete – 270 jasta» atty kitap kórmesi uiymdastyryldy.
Merekelik jiynnyń negizgi maqsaty – uly aqynnyń adamgershilik ómirimen tanystyrý, onyń filosofiiasyn, kózqarasyn, rýhani murasyn, poetikalyq shyǵarmalary men ánderin kópshilikke taratý bolyp tabylady.
Is-sharaǵa Nemis tili ortalyǵynyń basshysy Gýlnara Fahrýdinova, tarih ǵylymdarynyń doktory, «Egemen Qazaqstan» respýblikalyq gazeti» aktsionerlik qoǵamynyń Basqarma tóraǵasy Darhan Qydyráli, jazýshy, filologiia ǵylymdarynyń doktory Tursyn Jurtbai, L.N. Gýmilev atyndaǵy Eýraziia Ulttyq ýniversiteti shet tili filologiiasy kafedrasynyń meńgerýshisi Aigúl Bishkenova jáne t.b. qatysty.
Giote – bir ulttyń uly bolyp týyp, búkil adamzattyń tulǵasyna ainalǵan aqyn, talantyna álem bas igen klassik-jazýshy, filosof, ǵalym jáne óz zamanynyń yqpaldy memlekettik qairatkeri. Sondyqtan da, búgin búkil órkenietti álem uly tulǵanyń mereitoiyna arnalǵan mádeni, ǵylymi is-sharalar ótkizýde.
Qazaq jerinde Giotege degen qyzyǵýshylyq budan bir jarym ǵasyrǵa jýyq ýaqyt buryn týyndaǵany belgili. Onyń eńbekteri uly Abaidyń, Shákárimniń, Máshhúr-Júsiptiń, Medeýbai Qurmanovtyń, qazaqtyń basqa da aqyndarynyń aýdarmalary arqasynda jan-jaqqa tarap, buqara halyqqa jetken. Giote tulǵasyna, onyń shyǵarmashylyǵyna degen qyzyǵýshylyq eshqashan toqtaǵan emes» - dep atap ótti óz sózinde J.Túimebaev QR Ulttyq akademiialyq kitaphanasynda ótken sharada.
