Densaýlyq saqtaý ministri Eljan Birtanov Qazaqstan men Germaniia arasyndaǵy áýe qatynasyn toqtatý máselesine qatysty pikir bildirdi, dep habarlaidy "Ult aqparat".
«Keshe aitylǵandai, vedomstvoaralyq komissiianyń sheshimimen reisterdiń sanyn shekteý boiynsha sharalar qabyldanǵan edi. Sebebi jolaýshylardyń tasymalyn shekteý mańyzdy. Infektsiia neǵurlym kóp bolsa soǵurlym jolaýshylar aǵynyn azaitamyz. Tolyǵymen japqymyz kelmeidi (Germaniiamen). Óitkeni negizinen ushyp kelip jatqan – bizdiń azamattar. Demalys kezeńi, biznes saparlar men issaparlar bar. Sol úshin áýe qatynasyn toqtatarlyq sebep joq», - dedi Eljan Birtanov OKQ-da ótken baspasóz máslihatynda.
Eske sala ketsek, 11 naýryzy men 24 sáýiri aralyǵynda Lufthansa nemis áýe kompaniiasy Qazaqstanǵa reisterdi ýaqytsha toqtatty. Kompaniia Frankfýrt-Almaty-Frankfýrt (aptasyna 4 ret) jáne Frankfýrt-Almaty-Nur-Sultan (aptasyna 3 ret) baǵyttary boiynsha turaqty reisterdi oryndap kelgen.
