Qaraǵandy oblysynda 2019 jyly Germaniianyń investitsiialary esebinen 123 mln dollardyń jobasy júzege asyrylady. Bul jóninde LS portaly habarlady.
Kazakh Invest kompaniiasynda málimdegendei, tehnikalyq gazdar óndirisi men kún elektr stantsiiasy (KES) qurylysy boiynsha jobalar júzege asyrylady.
Budan bólek, shamamen quny 100 mln dollardy quraityn taǵy eki joba iske asyrylý satysynda tur. Germaniialyq investitsiialar Túrkistan men Qaraǵandy oblystaryndaǵy KES qurylysyna baǵyttalǵan.
«Sonymen qatar, zyǵyr maiy, moiyntirekter, avtobýstar, qosalqy bólshekter, aýyl sharýashylyǵy jabdyqtary, bidai ósirý jáne qaita óńdeý, turmystyq qaldyqtardy qaita óńdeý jabdyqtarynyń óndirisi sekildi taǵy 15 joba ázirlenip jatyr», - dep habarlady vedomstvoda.
«Kazakh Invest» AQ-da atap ótkendei, 2018 jyly jańartylatyn energiia kózderi, mashina jasaý, saýda salalarynda 102 mln dollarǵa tórt investitsiialyq joba júzege asyryldy. Jobalar Qaraǵandy, Almaty, Pavlodar oblystary men Almaty qalasynda iske qosylǵan.
Jalpy, Ulttyq bank málimeti boiynsha, Qazaqstanda 9 aidyń ishinde 17,3 mlrd dollar tartylsa, onyń ishinde 183,1 mln dollar Germaniianyń investitsiiasy bolyp tabylady.
