Germaniianyń shyǵysyna zańsyz kelip jatqan bosqyndar sany artýda, dep habarlaidy QazAqparat tilshisi nemis BAQ-taryna silteme jasap.
Atap aitqanda, osy jyldyń tamyzynda nemis-poliak shekarasynda 209 adam ustalǵan. Olardyń basym bóligi Taiaý Shyǵys elderinen kelgen. Qyrkúiekte olardyń sany 1164-ke jetken. Qazanda Germaniiaǵa baspana izdep kelgender sany 2 myń adamǵa jýyqtaǵan.
Zańsyz bosqyndar Polshamen shektesetin Brandenbýrgke, Meklenbýrg-Batys Pomeraniia jáne Saksoniiaǵa kelip jatyr. Nemis-poliak shekarasynyń uzyndyǵy 460 shaqyrymdy quraidy. 2021 jyly GFR-ge 80 myń adam baspana surap, ótinish jibergen.
Germaniia biligi qorǵanys sharalarynyń biri retinde kórshi Polshadan Belarýspen shekarany qorǵaýdy kúsheitýdi surap otyr. Shekara jabylmaidy, dep rastady Germaniia ishki ister ministri Horst Zeehofer. Shekaradaǵy qozǵalys toqtasa eki eldiń ekonomikasy da zardap shegedi.
