Germaniiada Leverkýzen qalasyndaǵy qoqys shyǵarý ortalyǵynda bolǵan jarylystan zardap shekkenderdiń sany 31-ge jetti, dep habarlaidy Suddeutsche Zeitung gazeti.
Basylymnyń aqparatyna sáikes, kem degende bir adam qaza tapty, 31 adam jaraqat aldy, taǵy tórteýi iz-túzsiz joǵalyp ketken. Buǵan deiin 16 jábirlenýshi týraly habarlanǵan bolatyn. Olardyń ekeýiniń jaǵdaiy aýyr.
Aita ketsek, seisenbide tańerteń jergilikti ýaqyt boiynsha 09:40-ta Visdorf aýdanyndaǵy (Leverkýzen qalasy) Chempark indýstrialdy aimaǵynda ornalasqan Currenta GmbH & Co. kompaniiasyna qarasty himiialyq zaýytta alaapat jarylys boldy. Apat saldarynan bolǵan t órtti sóndirýdiń sáti tústi.
Chempark operatorynyń ókiliniń aitýynsha, jarylys himiialyq zattardyń, atap aitqanda quramynda hlor bar eritkishterdiń janýynan bolǵan.
