Frankfýrt áýejaiyndaǵy qaýipsizdik qyzmetkerleriniń ereýilinen Qazaqstan men Germaniia arasyndaǵy birqatar áýe reisteri toqtatyldy. Bul týraly "Ult aqparat" Azamattyq aviatsiia komitetine silteme jasap habarlaidy.
«Eir Astana» men «Lufthansa» áýe kompaniialarynyń habarlaýynsha, barlyq jolaýshylarǵa reistiń ushpaityny týraly habarlandy. Olardyń biletteri basqa reisterge aýystyryldy jáne keibiri bilettiń tolyq aqysyn qaitaryp aldy», - dep jazdy komitet.
Buǵan deiin Germaniianyń segiz áýejaiynda ereýil bolatyny habarlanǵan edi.
Atap aitar bolsaq, Ver.di kásipodaǵy eldegi segiz áýejaidyń qaýipsizdik qyzmetteri ókilderin ereýilge shaqyrdy.
Maindaǵy Frankfýrt, Gannover, Bremen, Gambýrg, Miýnhen, Leiptsig, Drezden jáne Erfýrt qalalary áýejailarynyń qaýipsizdik qyzmetkerleri 15 qańtar, seisenbi kúni ereýilge shyqty. Saldarynan atalǵan áýejailar jumysynda aitarlyqtai úzilister boldy.
