«BioNTech» farmatsevtikalyq kompaniiasy Germaniiada jańa zaýyt ashyp, koronavirýsqa qarsy vaktsinalar óndirisiniń keńeigeni týraly habarlady, dep jazady "Ult aqparat".
«BioNTech» vaktsinasyn jasaýshy Germaniianyń Marbýrg qalasyndaǵy (Frankfýrt qalasynan 75 shaqyrym jerde) jańa zaýytta amerikalyq alyp «Pfizer»-men birge jasalǵan COVID-19 vaktsinasyn shyǵarýdy bastady. Bul nysan Eýroodaqqa vaktsinalar jetkizý kólemin edáýir arttyrady.
«Biz Marbýrgtegi zaýytta óndiristik protsesti birinshi kezeńnen bastadyq: belsendi farmatsevtikalyq ingredient sanalatyn mRNQ bólshekterin shyǵarylýda», – delingen «BioNTech» kompaniiasynyń habarlamasynda.
Tehnikalyq protsedýralardan keiin tazartylǵan jáne kontsentratsiialanǵan ónim zararsyzdandyrylǵan jaǵdaida jumysty aiaqtaý úshin «óndiristik seriktes» alańyna tasymaldanady, deidi kompaniia ókilderi.
2021 jyldyń birinshi jartysynda «BioNTech» Marbýrgtegi kásipornynda COVID-250 vaktsinasynyń 19 millionǵa deiin dozasyn shyǵarýdy josparlap otyr.
Eýropalyq dárilik zattar agenttigi (EMA) osy zaýytta aǵymdaǵy jyldyń aqpan-naýryz ailarynda óndirilgen meditsina preparattarynyń sapasyna alǵashqy tekserý júrgizedi dep kútilýde. Kompaniia ókilderi Germaniiadaǵy kásiporynnyń jyldyq óndiristik qýaty 750 million dozany quraitynyn málimdedi.
Óndiris kólemin keńeitý úshin «BioNtech» kompaniiasy ótken jyly shveitsariialyq farmatsevtikalyq alpaýyt «Novartis» kompaniiasynan Marbýrg zaýytyn satyp alǵan bolatyn, onda 300-ge jýyq qyzmetker jumys istegen. Jańa ieleri aldyńǵy qyzmetkerlerdi qaldyrǵanyn atap ótti.
