«BioNTech» فارماتسەۆتيكالىق كومپانيياسى گەرمانييادا جاڭا زاۋىت اشىپ, كوروناۆيرۋسقا قارسى ۆاكتسينالار ٶندٸرٸسٸنٸڭ كەڭەيگەنٸ تۋرالى حابارلادى, دەپ جازادى "ۇلت اقپارات".
«BioNTech» ۆاكتسيناسىن جاساۋشى گەرمانييانىڭ ماربۋرگ قالاسىنداعى (فرانكفۋرت قالاسىنان 75 شاقىرىم جەردە) جاڭا زاۋىتتا امەريكالىق الىپ «Pfizer»-مەن بٸرگە جاسالعان COVID-19 ۆاكتسيناسىن شىعارۋدى باستادى. بۇل نىسان ەۋرووداققا ۆاكتسينالار جەتكٸزۋ كٶلەمٸن ەدەۋٸر ارتتىرادى.
«بٸز ماربۋرگتەگٸ زاۋىتتا ٶندٸرٸستٸك پروتسەستٸ بٸرٸنشٸ كەزەڭنەن باستادىق: بەلسەندٸ فارماتسەۆتيكالىق ينگرەديەنت سانالاتىن مرنق بٶلشەكتەرٸن شىعارىلۋدا», – دەلٸنگەن «BioNTech» كومپانيياسىنىڭ حابارلاماسىندا.
تەحنيكالىق پروتسەدۋرالاردان كەيٸن تازارتىلعان جەنە كونتسەنتراتسييالانعان ٶنٸم زارارسىزداندىرىلعان جاعدايدا جۇمىستى اياقتاۋ ٷشٸن «ٶندٸرٸستٸك سەرٸكتەس» الاڭىنا تاسىمالدانادى, دەيدٸ كومپانييا ٶكٸلدەرٸ.
2021 جىلدىڭ بٸرٸنشٸ جارتىسىندا «BioNTech» ماربۋرگتەگٸ كەسٸپورنىندا COVID-250 ۆاكتسيناسىنىڭ 19 ميلليونعا دەيٸن دوزاسىن شىعارۋدى جوسپارلاپ وتىر.
ەۋروپالىق دەرٸلٸك زاتتار اگەنتتٸگٸ (EMA) وسى زاۋىتتا اعىمداعى جىلدىڭ اقپان-ناۋرىز ايلارىندا ٶندٸرٸلگەن مەديتسينا پرەپاراتتارىنىڭ ساپاسىنا العاشقى تەكسەرۋ جٷرگٸزەدٸ دەپ كٷتٸلۋدە. كومپانييا ٶكٸلدەرٸ گەرمانيياداعى كەسٸپورىننىڭ جىلدىق ٶندٸرٸستٸك قۋاتى 750 ميلليون دوزانى قۇرايتىنىن مەلٸمدەدٸ.
ٶندٸرٸس كٶلەمٸن كەڭەيتۋ ٷشٸن «BioNtech» كومپانيياسى ٶتكەن جىلى شۆەيتسارييالىق فارماتسەۆتيكالىق الپاۋىت «Novartis» كومپانيياسىنان ماربۋرگ زاۋىتىن ساتىپ العان بولاتىن, وندا 300-گە جۋىق قىزمەتكەر جۇمىس ٸستەگەن. جاڭا يەلەرٸ الدىڭعى قىزمەتكەرلەردٸ قالدىرعانىن اتاپ ٶتتٸ.
