Ótken sársenbiden bastap Germaniiada bilik karantin rejimin jeńildetken bolatyn. Osydan keiin elde koronavirýs infektsiiasyn juqtyrý sany artyp ketti, - dep habarlaidy Euronews agenttigi.
Robert Koh institýtynyń málimetinshe, bazalyq reprodýktivti kósretkish R 1,1 deńgeiden joǵary boldy. Bul 10 naýqas endi 11 adamǵa juqtyratynyn kórsetedi.
Buryn kóbeiý jyldamdyǵy birlikten az bolǵan. Elde koronavirýs 169 myńnan astam adamnan anyqtaldy. COVID-19 virýsynan 7 395 adam qaitys boldy, 144 000 adam saýyǵyp shyqty.
Sońǵy kúnderi Soltústik Rein-Vestfaliia jáne Shlezvig-Golshtein federaldyq jerlerinde et kombinattarynda infektsiianyń órshýi baiqalady. Bilik osy kásiporyndardy jabýǵa májbúr boldy.
6 mamyrda Germaniia kantsleri Angela Merkel men 16 federaldy shtattyń biligi shekteý sharalaryn jeńildetý týraly kelisken bolatyn.
Alaida úkimet basshysy infektsiianyń jańa oshaqtary baiqalatyn aimaqtar karantindik rejimge oralatynyn aitty. Osyǵan orai elde pandemiiaǵa bailanysty shekteý sharalaryna narazylyqtar ótti. Shtýtgartta bolǵan demonstratsiiaǵa qatysýshylar olardyń bostandyǵyna qaýip tónip turǵanyn jáne koronavirýspen bailanysty qaýip-qaterler bos daqpyrt ekenin aitýda.
