Vedomstvoaralyq komissiianyń baspasóz qyzmeti álemdegi koronavirýsqa qatysty ahýaldy habarlady, dep jazady "Ult aqparat".
Germaniiada COVID-19 taralý indikatory turaqty túrde tómendeýde – sońǵy 7 kúnde 100 000 turǵynǵa shaqqanda 64,2 adamnyń indetti juqtyrý jaǵdaiy tirkeldi. El biligi bul kórsetkish 50-ge deiin tómendegen kezde epidemiiaǵa qarsy qatań karantindik sharalardyń jeńildetiletinin habarlaýda.
Litva biligi karantindik shekteý sharalaryn jeńildetip, 15 aqpannan bastap azyq-túlikten basqa zattar satylatyn dúkenderdi, shashtarazdar men sulýlyq salondarynyń ashylýyna ruqsat etti.
Aqpan aiynyń sońynda Niý-Iork stadiondary qaita ashylmaq. Olardyń indettiń órshýine bailanysty jabylǵandaryna bir jyldan astam ýaqyt ótken. Kórermenderdiń ruqsat etilgen jalpy sany stadionnyń syiymdylyǵynyń 10 paiyzynan aspaýy tiis.
Meksikada koronavirýsqa qarsy Qytaidyń eki vaktsinasy - CanSino Biologics jáne CoronaVac tirkeýden ótti. Buryn BioNTech/Pfizer, AstraZeneca jáne Reseilik «Spýtnik V» vaktsinalary tirkelgen bolatyn.
Ulybritaniia Premer-ministri Boris Djonson eldiń 15 millionnan astam turǵyny koronavirýsqa qarsy vaktsinatsiianyń alǵashqy dozasyn alǵanyn málimdedi. 520 myńǵa jýyq adam vaktsinatsiianyń ekinshi bóligin qabyldaǵan.
