Jyldyń sońyna qarai Germaniiada iadrolyq energiiadan bas tartýdyń jańa kezeńine ótti. 31 jeltoqsanda eldiń soltústiginde ornalasqan Brokdorf atom elektr stantsiiasyn qosa alǵanda, úsh atom elektr stansasy óshirildi, dep habarlaidy QazAqparat Euronews-ke silteme jasap.
Germaniiadaǵy atom elektr stansalarynyń jumysyn toqtatý týraly sheshim 2011 jyly Japoniianyń Fýkýsima atom elektr stansasyndaǵy apattan keiin qabyldanǵan bolatyn. Býndestagta daýys berý kezinde bul bastamany 600 depýtattyń 513-i qoldady. Eń eski reaktorlar birden toqtatyldy, al qalǵan toǵyzyn kezeń-kezeńimen jabý týraly sheshim qabyldandy.
Biyl elektr qýatyn óndirýdi toqtatatyn Bavariia, Tómengi Saksoniia jáne Shlezvig-Golshteinde ornalasqan úsh atom elektr stansasynan keiin qalǵan úsh atom elektr stansasy kelesi jyldyń sońyna deiin jabylady.
AES-ti toqtatýǵa bailanysty jumystar taǵy birneshe jyl jalǵasady. Bul rette el jańartylǵan energiia kózderine kóbirek kóshýdi josparlap otyr. 2030 jylǵa qarai elektr energiiasynyń 80%-y jel týrbinalary, kún batareialary nemese biogaz qondyrǵylary arqyly óndiriledi dep boljanýda.
