جىلدىڭ سوڭىنا قاراي گەرمانييادا يادرولىق ەنەرگييادان باس تارتۋدىڭ جاڭا كەزەڭٸنە ٶتتٸ. 31 جەلتوقساندا ەلدٸڭ سولتٷستٸگٸندە ورنالاسقان بروكدورف اتوم ەلەكتر ستانتسيياسىن قوسا العاندا, ٷش اتوم ەلەكتر ستانساسى ٶشٸرٸلدٸ, دەپ حابارلايدى قازاقپارات Euronews-كە سٸلتەمە جاساپ.
گەرمانيياداعى اتوم ەلەكتر ستانسالارىنىڭ جۇمىسىن توقتاتۋ تۋرالى شەشٸم 2011 جىلى جاپونييانىڭ فۋكۋسيما اتوم ەلەكتر ستانساسىنداعى اپاتتان كەيٸن قابىلدانعان بولاتىن. بۋندەستاگتا داۋىس بەرۋ كەزٸندە بۇل باستامانى 600 دەپۋتاتتىڭ 513-ٸ قولدادى. ەڭ ەسكٸ رەاكتورلار بٸردەن توقتاتىلدى, ال قالعان توعىزىن كەزەڭ-كەزەڭٸمەن جابۋ تۋرالى شەشٸم قابىلداندى.
بيىل ەلەكتر قۋاتىن ٶندٸرۋدٸ توقتاتاتىن باۆارييا, تٶمەنگٸ ساكسونييا جەنە شلەزۆيگ-گولشتەيندە ورنالاسقان ٷش اتوم ەلەكتر ستانساسىنان كەيٸن قالعان ٷش اتوم ەلەكتر ستانساسى كەلەسٸ جىلدىڭ سوڭىنا دەيٸن جابىلادى.
اەس-تٸ توقتاتۋعا بايلانىستى جۇمىستار تاعى بٸرنەشە جىل جالعاسادى. بۇل رەتتە ەل جاڭارتىلعان ەنەرگييا كٶزدەرٸنە كٶبٸرەك كٶشۋدٸ جوسپارلاپ وتىر. 2030 جىلعا قاراي ەلەكتر ەنەرگيياسىنىڭ 80%-ى جەل تۋربينالارى, كٷن باتارەيالارى نەمەسە بيوگاز قوندىرعىلارى ارقىلى ٶندٸرٸلەدٸ دەپ بولجانۋدا.
