Sársenbi kúni Germaniia úkimeti ekstremistik úndeýler men alaýyzdyqty qozdyrýǵa baǵyttalǵan internettegi jazbalar úshin jaýapkershilik pen baqylaýdy kúsheitetin zań jobasyn maquldady, dep habarlaidy QazAqparat.
«Zańnamalyq qujattyń qabyldanýymen alaýyzdyqtan bolatyn qylmystarǵa burynǵydan da úlken kúshpen qarsy turatyn bolamyz. Aldaǵy ýaqytta internette qoqan-loqy kórsetken nemese alaýyzdyqty taratqandar anaǵurlym qatań jáne tiimdi jazalanatyn bolady», - delingen Ádilet ministri Kristina Lambrehtiń vedomstvo saitynda jariialanǵan málimetinde.
Zań jobasyndaǵy basty sharalardyń biri zańǵa qaishy kontentti dereý alyp tastaý úshin Facebook pen Twitter áleýmettik jelilerine qasymdy kúsheitý bolyp tabylady. Sondai-aq áleýmettik jeli ákimshileri kriminaldyq posttardy, olardyń jahandyq jelige sońǵy ret qosylǵan núktesin kórsete otyryp, tehnikalyq málimetterdi de qosa usynýǵa mindetteledi.
Zań jobasy kúshine enbes buryn Germaniianyń qos palatasynda maquldaýdan ótýi tiis.
