Sý tasqynynan zardap shekken Germaniia óńirlerin qalpyna keltirýge daiyndalǵan kómek paketiniń kólemi 10 mlrd eýrony quraidy, dep habarlaidy Der Spiegel.
Bul somany jarty-jartydan aimaqtar men federaldy bilik bóledi. Qajet bolǵan jaǵdaida kómek paketi ulǵaitylýy múmkin. Qarajat ózge istermen qatar, kólik infraqurylymyn qalpyna keltirýge baǵyttalmaq.
Eske sala keteiik, shilde aiynyń ortasynda Germaniianyń batysy men ońtústik-batysynda nóser jaýyp, saldary sý tasqynyna ákelgen bolatyn.
Rein Ar men Mozeldiń salalary, sondai-aq Zaýer, Priým, Nims, Kil jáne Erft ózenderi arnasynan asty. Apat bolǵan barlyq eldi mekende qaza tapqandardyń jalpy sany 180 adamnan kóp, sondai-aq 750-den astam adam zardap shekken.
