Foto: dw.com
Germaniia kantsleri Olaf Sholts Ýkrainaǵa Leopard 2 negizgi jaýyngerlik tankterin jiberýge ruqsat berdi, - dep habarlaidy Tengrinews.kz portaly Deutsche Welle basylymyna silteme jasap.
Nemis basylymy Der Spiegel jáne basqa basylymdar Berlin úkimetiniń Ýkrainaǵa Leopard 2 tankterin jiberý týraly sheshim qabyldaǵany týraly habarlardy jariialady. Bul NATO odaqtastary arasyndaǵy másele boiynsha uzaq pikirtalastan keiin, sondai-aq Polsha buǵan deiin Berlinnen Leopard 2 tankteriniń bir bóligin Ýkrainaǵa jiberýge resmi túrde ruqsat suraǵannan keiin oryndalǵan.
Sholtstyń aitýynsha, federal úkimet Ýkraina qarýly kúshterin Leopard 2 negizgi jaýyngerlik tankterimen qamtamasyz etý týraly sheshim qabyldaǵan.
"Bul - Germaniianyń eń jaqyn eýropalyq jáne halyqaralyq seriktesterimen júrgizilgen qarqyndy konsýltatsiialar nátijesi. Bul sheshim Ýkrainany múmkindiginshe qoldaý jónindegi bizdiń belgili baǵytymyzǵa sáikes keledi. Biz halyqaralyq deńgeide tyǵyz úilestirý jáne kelisimde áreket etip jatyrmyz", - delingen Germaniianyń Ministrler kabineti resmi málimdemesinde.
Ministrler kabinetiniń málimetinshe, birinshi kezeńde Germaniia býndesver rezervinen 14 Leopard 2 A6 tank rotasyn beredi. Germaniiada ýkrainalyq ekipajdardy daiyndaý tez bastalýy kerek. Oqytýdan basqa paketke logistika, oq-dáriler jáne júielerge tehnikalyq qyzmet kórsetý kiredi.
Leopard 2 - býndesverdiń negizgi jaýyngerlik tankteri. Sondai-aq, ol Avstriia, Vengriia, Polsha, Túrkiia, Norvegiia, Shvetsiia, Shveitsariia, Ispaniia, Daniia, Gretsiia, Finliandiia qorǵanysynda bar.
