Germaniianyń Federaldyq úkimeti eldegi karantindi 7 naýryzǵa deiin uzartý týraly sheshim qabyldady, dep habarlaidy Euronews.com.
Sonymen qatar, 1 naýryzdan bastap gigiena erejelerin saqtaý shartymen shashtarazdardy ashý qarastyrylǵan. Mektepterdi ashý týraly sheshimdi federaldy jer ókilderi qabyldaidy. Germaniiada qatań lokdaýn rejimi 16 jeltoqsannan bastalǵan bolatyn.
Germaniia kantsleri Angela Merkel koronavirýs mýtatsiialarynyń taralýyn eske saldy: «Jańa shtamdarǵa bailanysty úlken belgisizdik bar, jańa mýtatsiialar týyndap, virýs joǵalady. Biz jańa virýspen ómir súrýimiz kerek jáne onyń áserin ázirge boljai almaimyz, infektsiialar sany eksponentsialdy túrde qaita ósýi múmkin, sondyqtan baqylaýdy qamtamasyz etý jáne muqiiat bolý kerek».
Sonymen birge DDU sarapshylary britandyq-shvedtik AstraZeneca vaktsinasyn qoldaný týraly usynystar jariialady. Vaktsinany 18 jáne odan joǵary jastaǵy adamdarǵa qoldanýǵa bolady.
18 jasqa deiingi balalar men jasóspirimderge keletin bolsaq, preparattyń osy jas tobyna qalai áser etetini týraly áli jetkilikti málimetter joq. Qorytyndyda koronavirýstyń jańa túrlerine qatysty aldyn ala taldaý bul vaktsinanyń tiimdiliginiń birshama tómen ekenin kórsetti.
DDU-nyń immýndaý jónindegi strategiialyq konsýltativtik tobynyń basshylary Alehandro Kravioto: «Vaktsinanyń ásirese asqynǵan aýrýǵa qarsy qorǵanys qabileti tómendegen jaǵdaida ony aýrýdyń jańa túrleri tarap jatqan elderde qoldanýǵa bolmaidy deýge eshqandai negiz joq», - dedi.
Biraq Ispaniia biligi 55 jastan asqan adamdarǵa AstraZeneca vaktsinasyn qoldanýdy jón kórmedi. Nátijesinde Densaýlyq saqtaý ministrligi vaktsinalaý strategiiasyna ózgerister engizdi. Bul preparatpen dárigerler, kúsh-qýat qurylymdary men quqyq qorǵaý organdarynyń qyzmetkerleri, órt sóndirýshiler, áskeri qyzmetshiler men oqytýshylar egiledi dep kútilýde.
