Polshanyń Polsat Sport sport telearnasynyń saity Gennadii Golovkinniń ringke qaita oralýyn jyl oqiǵasy dep baǵalady. Bul týraly Sports.kz saity habarlady.
«Ol 440 kúnnen keiin qaita oraldy. Kóptegen adam onyń «Kanelo» Alvares, Djeikobspen jáne Derevianchenkomen bolǵan jankeshti aiqastardan soń 38 jasynda burynǵydai ataǵy jer jaryp turǵan dańqty boksshy bolýdan qaldy, endi ol tek Triple G-diń kóleńkesi ǵana bola alady dep oilady. Alaida olai bolmai shyqty. Ol - áli aty álemge áigili boksshy. Óziniń myqty ekenin Kamil Sheremetany 1-shi, 2-shi, jáne 4-shi jáne 7-shi raýndtarda kanvasqa jibere otyryp, dáleldegeni ókinishti. Árine ol óziniń orta salmaqtaǵy IBF jáne IBO nusqalary boiynsha chempiondyq belbeýin qorǵap qaldy», - delingen maqalada.
Aita keteiik, Gennadii Golovkin XXI ǵasyrdyń eń myqty 3 boksshysynyń qataryna kirdi.
Tanymal Give Me Sport basylymy ǵasyrdyń eń úzdik 50 boksshysynyń esimin atady. Buǵan qosa, GGG ESPN uiymynyń P4P reitinginiń úzdik ondyǵyna endi. Sonymen qatar ol «Kaneloǵa» qarsy kezdesýlerde oǵan eń kóp dál soqqy jasaǵan boksshy atandy.
