IBF jáne IBO nusqalary boiynsha orta salmaqtaǵy álem chempiony Genadii Golovkinmen (40-1-1, 35 KO) yntymaqtastyq ornatqan promoýter Tom Leffler GGG lagerindegi sońǵy aqparatpen bólisti, dep habarlaidy "Ult aqparat" Sports.kz saityna silteme jasap.
T.Leffler G.Golovkinniń aldaǵy jekpe-jegine qatysty aita kele, ázirge naqty belgilengen data joq ekendigin atap ótti.
«Gennadii jaǵdaiynda máseleler turaqty túrde ózgerip otyrady. Ol óziniń jattyǵý lagerin Djonatan Benkspen bastap, aldyn-ala jattyǵýlar ótkizip jatyr. Olar sparringter kezeńin jáne ózgelerin naqty bir data belgili bolǵanǵa deiin bastamaidy. Naqty belgili bolǵan másele jóninde aldynda ala habarlaityn bolamyz. Djonatannan estýimshe, Gennadii naǵyz babynda. Ol – árdaiym tártipti saqtaityn jigitterdiń biri. Bul jaǵynan aǵaiyndy Klichkolarǵa uqsas. Ol artyq salmaq jinaýǵa ózine eshqashan erik bermeidi, únemi bir qalypta. Balalary ony belsendi bolýǵa májbúr etedi. Gennadiidiń uly hokkeimen ainalysady, sondyqtan ol árdaiym balasynyń qasynda jáne fizikalyq turǵyda belsendi. Qazir sizben buryn-sońdy ózim kórgen eń kóp jattyǵatyn sportshylardyń biri týraly aityp otyrmyz. Biz onyń ringke oralýyn taǵatsyzdana kútýdemiz, biraq ázirge jariialaityn eshteńe joq. Jaqyn ýaqytta jańalyq bolatynyna úmittenemin», — dedi Leffler jýrnalist Kýrran Bhatiige bergen suhbatynda.
