Qazaqstandyq boksshy Gennadii Golovkinniń (40-1-1, 35 KO) kelesi qarsylasy anyqtaldy, dep habarlaidy Sports.kz.
Osy joly Golovkinniń qarsylasy – ózi siiaqty IBF tujyrymy boiynsha orta salmaqta álem chempionyna úmitker, poliak boksshysy Kamil Sheremeta (21-0, 5 KO) bolmaq. Gennadiidiń aitýynsha, ol Sheremetamen jekpe-jek ótkizý týraly koronavirýs pandemiiasyna deiin kelisken jáne «óziniń mindetteri men ýádesin oryndaýǵa daiyn».
Bul jekpe-jekten keiin Golovkin Meksika boksshysy Saýl Alvarespen (53-1-2, 36 KO) kópten kútken aiqasqa daiyndalatyny kútilýde. Qazaqstandyq boksshy «Kanelomen» mamyr nemese qyrkúiek aiynda judyryqtasýǵa daiyn bolǵanyn, biraq qarsylasy jekpe-jekten qashqaqtap, britandyq boksshy Billi Djo Sonderspen (29-0, 14 KO) kelissózder júrgizip ketkenin atap ótti.
